वरोरा पोलिसांची कारवाई : अवैध दारुविक्री करताना आरोपीस अटक, १७ देशी बाटल्या जप्त वरोरा, दि. १० – वरोरा पोलिसांनी गुप्त बातमीच्या आधारे अंबादेवी वार्डात छापा टाकून अवैध दारुविक्री करताना एका आरोपीला अटक केली. त्याच्याकडून १७ प्लास्टिक बाटल्या देशी दारु जप्त करण्यात आली आहे. ही कारवाई दि. ०९ एप्रिल २०२६ रोजी सायंकाळी करण्यात आली. प्राप्त माहितीनुसार, पोलीस हवालदार अमोल मारोती नवघरे, संदीप मुळे, प्रशांत नागोसे व पोलीस अंमलदार मनोज यांच्या पथकाने खाजगी वाहनातून पेट्रोलिंग करत असताना मुखबिराकडून माहिती मिळाली की, अंबादेवी वार्डातील विपिन पाटील हा आपल्या घरासमोर अवैधरित्या दारु विक्री करत आहे. या खबरेवरून दोन पंचांच्या उपस्थितीत छापा टाकल्यानंतर आरोपी विपिन प्रभाकर पाटील (वय ४७, धंदा मजुरी, रा. एकार्जुना, वरोरा) यास एका प्लास्टिक पिशवीतून १७ नग देशी दारुच्या बाटल्या (प्रत्येकी ९० मिली, किंमत ४० रुपये प्रमाणे एकूण ६८० रुपयांचा मुद्देमाल) विक्रीच्या उद्देशाने ठेवल्याचे आढळले. त्याच्याकडे दारु विक्रीचा कोणताही परवाना नव्हता. पोलिसांनी घटनास्थळी पंचनामा करून मुद्देमाल ताब्यात घेतला. ...