वरोरा
चेतन लूतडे
स्वर्गीय विनायकराव वझे स्मृती प्रित्यर्थ भव्य मॅमोग्राफी टेस्ट शिबिराचा समारोप करण्यात आला.यावेळी उपजिल्हा रुग्णालय वरोरा येथे कर्करोग संबंधित 134 रुग्णांची तपासणी करण्यात आली. यामध्ये संभावित 6 रुग्णांना सावंगी मेघे हॉस्पिटल वर्धा येथे पुढील उपचारासाठी पाठवण्यात येणार असल्याची माहिती देण्यात आली. मॅमोग्राफी टेस्ट वरोरा शहरासाठी अशीच सुरू राहील अशी ग्वाही देत सागर वझे यांनी या शिबिराचा समारोप केला.
महिलांमधील वाढत्या कर्करोगाचे प्रमाण लक्षात घेऊन वरोरा व भद्रावती तालुक्यातील गरजू महिलांसाठी कर्करोगाची तपासणी व निदान शिबिर उपजिल्हा रुग्णालय वरोरा येथे १ जुलै ते ५ जुलै २०२३ रोजी घेण्यात आले होते.
आचार्य विनोबा भावे ग्रामीण रुग्णालय सावंगी मेघे यांच्या विशेष सहकार्याने स्वर्गीय विनायकराव वझे स्मृतिप्रित्य सुयोग हॉस्पिटल वरोरा, बीजेपी पक्ष, व रोटरी क्लब वरोरा यांच्या संयुक्त विद्यमाने डॉक्टर दिनाच्या औचित्याने डॉक्टर सागर वझे यांनी या शिबिराचे आयोजन केले आहे.
Comments
Post a Comment