हऱ्या नाऱ्या यांच्या उपद्रवापाई बाजार समितीचे सदस्य गेले तीर्थयात्रेला

बाजार समितीचे सदस्य सभापतीला कंटाळले, अविश्वास ठराव दाखल.

हऱ्या नाऱ्याच्या उपद्रवामुळे बाजार समितीचे सदस्य गेले तीर्थयात्रेला 

12 सदस्य एकत्रित , वरोरा बाजार समितीत मोठा बदल घडणार.

वरोरा

चेतन लूतडे 

वरोरा कृषी उत्पन्न बाजार समिती सभापती डॉक्टर विजय देवतळे यांच्यावर राजू चिकटे व 11 संचालकांनी जिल्हाधिकारी चंद्रपूर यांच्याकडे अविश्वास प्रस्ताव दाखल केला असून यावर 5 मार्च रोजी विशेष सभा घेण्याचे आदेश जिल्हाधिकारी चंद्रपूर यांनी दिले आहे. 18 पैकी 12 संचालक तीर्थाला रवाना झाल्याची चर्चा आहे.

सभापती डॉक्टर विजय देवतळे हे संचालकांना विश्वासात घेत नाही आणि काही मर्जीतील हर्या व नार्याला घेऊन कामकाज करतात. समितीच्या नियमानुसार उप समित्यांचा कालावधी एक वर्षाचा असताना कालावधी संपून सुद्धा उपसमिती नवीन गठीत केली नाही.व कोणताही ठराव घेतला नाही पूर्वीची उपसमिती कार्यरत आहे बाजार समितीच्या नियमानुसार बाजार समितीचे दैनंदिन कामकाज चालत नाही. सभापती डॉक्टर विजय देवतळे यांच्या कार्यकाळात झालेल्या नियमबाह्य कामे आर्थिक घोटाळा त्यावरील चौकशी कायद्यानुसार केली नाही. बैल बाजार, नाफेड खरेदी च्या माध्यमातून काही हर्या व नाऱ्याला घेऊन वसुली केल्या जात असल्याचा आरोप सदस्या तर्फे होत आहे. संचालक मंडळाने अनेक बाबी सभापती देवतळे यांच्या लक्षात आणून दिल्या नंतरही त्याकडे दुर्लक्ष केल्या जात असल्याचा आरोप 12 संचालकांनी डॉक्टर विजय देवतळे यांच्यावर करीत त्याबाबतचे निवेदन जिल्हाधिकारी चंद्रपूर यांना दिले. त्यामुळे राजकीय वर्तुळात चांगलीच खळबळ माजली आहे. त्यामुळे वरोडा शहरात ते हऱ्या नाऱ्या कोण याचा शोध घेणे सुरू आहे.

बाजार समितीमध्ये महाआघाडीची सत्ता स्थापन करण्यात आली होती. यावेळी ऊबाठाचे  रवी शिंदे , राष्ट्रवादीचे जयंत टेंमुर्डे व काँग्रेसचे विजय देवतळे यांनी ईश्वर चिट्ठीच्या आधारे ही सत्ता बाजार समिती मध्ये बसवली होती. यानंतर विधानसभेमध्ये भाजप पक्षाचा  जाहीर प्रचार केल्याने आता सभापतींना घरचाच अहेर दिल्याचे समजत आहे. विशिष्ट लोकांची मर्जी सांभाळण्यासाठी सभापतींना सत्ता सोडावी लागेल अशी परिस्थिती निर्माण झाली आहे. 

सहकार क्षेत्रातील महारथी व काँग्रेसचे वरिष्ठ नेते कृषी उत्पन्न बाजार समितीची सत्ता उलटफेर करेल अशी चर्चा आहे.

...........................

 विनय गौडा जी सी (भा.प्र.से) जिल्हाधिकारी चंद्रपूर महाराष्ट्र कृषि उत्पन्न खरेदी-विक्री (विकास व विनियमन) अधिनियम, 1963 चे कलम 23 अ (3) नुसार कृषि उत्पन्न बाजार समिती, वरोरा ची विशेष सभा दिनांक 05 मार्च, 2025 रोजी बुधवारी सकाळी 11.00 वाजता, स्थळ-कृषि उत्पन्न बाजार समिती, वरोरा चे सभागृहात अधिनियमातील कलम 4 (अ) नुसार प्राधिकृत अधिकारी तहसिलदार, वरोरा यांचे अध्यक्षतेखाली खालील विषयावर चर्चा करुन मतदान घेण्याकरीता आयोजीत करण्यात येणार आहे.

 कृषि उत्पन्न बाजार समिती, वरोरा चे विद्यमान सभापती डॉ. विजय रामचंद्र देवतळे यांचे विरुध्द खालील विषयाबाबत दाखल झालेल्या अविश्वास प्रस्तावावर चर्चा करुन मतदान करण्यात येणार आहे.

1. संचालकांना विश्वासात न घेता कामकाज करणे.

2. समितीच्या नियमानुसार उप समित्या चा कालावधी। वर्षाचा असतांना कालावधी संपुन सुध्दा उप समिती नविन गठीत न करता व कोणताही ठराव न करता पुर्वीचीत कमेटी कार्यरत असणे.

3. बाजार समिती नियमानुसार बाजार समितीचे दैनंदिन कामकाज न चालविणे.

4. सभापती डॉ. विजय देवतळे यांच्या कार्यकाळात झालेले नियमबाहय कामे, आर्थिक घोटाळे व त्यावरील चौकशी कायद्यानुसार कार्यवाही न करणे.

वरील विषयावर जिल्हाधिकारी कार्यालयातून नोटीस प्राप्त झाला आहे.